చూడగానే అచ్చ తెలుగమ్మాయిగా కనిపించే అందాల తార యాంకర్ అనసూయ. బుల్లితెర యాంకర్‌గా అనతి కాలంలోనే తెలుగు ప్రజలందరికి సుపరిచితమైన ఆమెకు చాలా మంది ఫ్యాన్సే ఉన్నారు. నిన్నమొన్నటి వరకు యాంకరింగ్‌కే పరిమితమైన ఈ బొద్దుగుమ్మకు దర్శకులు వరుస ఆఫర్లు ఇచ్చేందుకు ముందుకొస్తున్నారు. తాజాగా నాగార్జున కొత్త చిత్రం ‘సోగ్గాడే చిన్ని నాయనా’లో అనసూయ ఓ కీలక పాత్ర పోషిస్తోంది. అంతేకాదు అనసూయను ఐటమ్ సాంగ్స్ చేయాల్సిందిగా దర్శకులు కోరుతున్నారట. ఇందుకు ఈ అమ్మడు కూడా సరేనందని తెలిసింది. అయితే తనకు ఇంత క్రేజ్ తెచ్చిన టీవీ షోస్‌ను మాత్రం ఆమె వదులుకోనంటుంది. బుల్లితెర నుంచి వెండితెరకు వచ్చినంత మాత్రాన యాంకరింగ్‌ను ఎందుకు వదులుకోవాలని ఈ బ్యూటీ ఎదురు ప్రశ్నిస్తోందట. కానీ యాంకరింగ్ నుంచి సినీరంగంలోకి వెళ్లిన ఉదయభాను కూడా ఇలాగే మాట్లాడిందని, కానీ సినిమాల్లోకి వెళ్లిన తర్వాత బుల్లితెర వైపు కన్నెత్తి చూడలేదని బుల్లి తెర ప్రేక్షకులు విమర్శిస్తున్నారు. యాంకర్ కదా ఆ మాత్రం మాటలు చెప్పకపోతే ఎలా? అంటున్నారు సినీ జనం.
0 comments:
Post a Comment